Компанијата Мета откри повеќе од 60 лажни руски сметки кои имитираат странски информативни сајтови, вклучувајќи ги англиските медиуми Гардијан и германскиот Der Spiegel, пишува АП.
Наместо вистински вести, лажните сајтови содржеле линкови до руска пропаганда и дезинформации за Украина. Дополнително, огромната мрежа за дезинформации содржела 1600 лажни Фејсбук профили кои ширеле лажни информации од странски медиуми до публиката во Германија, Италија, Франција, Велика Британија и Украина. Лажните информации не се проширија само на Фејсбук, туку и на Инстаграм, Телеграм и Твитер.
Мета нагласи дека ова е најголемата и најсофистицирана руска пропагандна операција што компанијата ја открила од почетокот на инвазијата на Украина.
Оваа пропагандна мрежа функционираше во текот на летото, а содржината беше споделена неколку пати на официјалните Фејсбук страници на руските амбасади во Европа и Азија, истакна Давид Агранович, директор на Одделот за спречување закани на Мета.
Истражувачките новинари ги набљудувале активностите на руската мрежа за дезинформации во Германија. Кога Мета ја започна својата истрага, откри дека автоматските системи на Фејсбук веќе отстраниле многу лажни сметки.
