Иван Ракитиќ не се очекува летово да замине од шпанскиот тим Барселона.
Тренерот на Барса, Ернесто Валверде го има во своите планови и побара од менаџерот на тимот да го убеди Ракитиќ да остане подолго во шпанскиот тим.
Медиумите во Шпанија и Италија минатиот месец објавија дека Ракитиќ постигнал договор да премине во Интер на лето. Но, менаџерот на Хрватот, Артуро Каналес, наводно рекол дека играчот од средниот ред нема да ја напушти Барселона.
Ракитиќ, кој дојде во Барселона во летото 2014 година од Севиља за 18 милиони евра, има за цел да ја освои титулата во Шпанија.
31-годишниот Хрват има договор со Барселона до јуни 2021 година.
