Менаџерот на Манчестер Јунајтед, Жозе Мурињо потврди дека клубот е во преговори за нов договор со Златан Ибрахимовиќ.
35-годишниот Швеѓанец во моментов е слободен играч по тешката повреда на коленото, додека португалскиот менаџер потврди дека клубот сака високиот човек да потпише нов договор.
Разговараме за можноста тој да остане со нас“, изјави Мурињо на првата прес-конференција за новата сезона. „Знаете дека е повреден и му треба време да се опорави. Тој нема да биде подготвен за утре“.
„Тоа не е нешто итно што сакаме да го имаме по секоја цена, само мислам дека тој јасно стави до знаење дека тоа што го направи минатата сезона не му беше доволно“, додаде португалскиот тренер.
„Тој мисли дека може повеќе и сака да игра на високо ниво, затоа зборуваме да остане со нас и во втората половина од сезоната“.
