УЕФА официјално го откажа Европското првенство до 19 години поради коронавирусот

Откако двапати по ред го одложуваше Европското првенство до 19 години, УЕФА реши конечно да го откаже ова натпреварување, поради тешката ситуација што се создава со вториот бран на коронавирусот.

Овој Европеец требаше да се игра во Северна Ирска во јули 2020 година, но беше одложен прво за ноември, а потоа и за март 2021 година, но денес Европската фудбалска управа го објави неговото конечно откажување.

Врз основа на оваа одлука, Франција, Португалија, Италија, Англија и Холандија автоматски се квалификуваат за Светското првенство за играчи до 20 години, кое треба да се одржи следната пролет во Индонезија.