Селекторот на репрезентативецот на Косово до 16 години во кошарка (мажи), Мухамед Тачи, е суспендиран од Кошаркарската федерација на Косово (ФБК) еден ден откако нападнал тројца кошаркарски судии, кои морале да побараат лекарска помош во болница.
Потешко настрада еден од судиите Даут Мехмети, а полесно настрадаа другите двајца Елдин Углари и Атхе Гоцај, пишува денеска Коха диторе.
Тачи, истакнат поранешен играч, а сега селектор, веднаш беше уапсен од полицијата по физичкиот напад што го изврши во четвртокот вечерта врз тројца судии на пријателскиот натпревар меѓу Косово (У16) и Македонија (У16), одигран во Спортската палата во Приштина. . Физичкиот напад се случи по крајот на натпреварот, каде Косово предводено од Тачи доживеа длабок пораз.
Во „помош“ на Тачи да ги нападне судиите, весникот дознава дека дошле и двајца членови на неговото семејство, кои исто така биле придружувани во полиција. Но, сите тројца по редовна постапка по разговорот, по налог на обвинителот на случајот, беа ослободени (подетално можете да прочитате денеска во Коха Диторе).
