Товерлани: Германија припаѓа на минатото, размислуваме за претстојните натпревари

Косовските фудбалери до 21 година му пееја во соблекувалната на селекторот Африм Товерлани, по освоениот бод во Кемниц против Германија до 21 година. 

Но, селекторот Товерлани вели дека заслугата за големиот бод на тешкото патување во Германија им припаѓа на играчите.

Косово до 21 година во петокот ремизираше без голови со надежите на Германија, во мечот од групата Д од квалификациите за „Евро 2025“. 

Косовските надежи се во серија од четири натпревари без пораз. Имаат една победа и три нерешени. Косово У21 победи против Израел со резултат 3:1, на 21 ноември. Додека со Бугарија имаше изедначено два натпревари по ред. Во првиот натпревар, на 17 октомври, ремизираше 1:1, додека на 17 ноември одигра 2:2.

Но, ремито со Германија е очигледно најголемиот резултат. 

Косово У21 е на четвртото место во групата со девет бодови од седум натпревари. Полска е лидер со 15 бода од седум натпревари, додека Германија е на второто место со 13 бодови од пет натпревари. Пред Косово е и Бугарија со 12 бода од седум натпревари.

„Им благодарам на играчите кои се најзаслужни за посветеноста, потта и трудот што го дадоа. Знам дека многумина можеби мислат поинаку, но не е лесно да се соочиме со Германија, за која ги знаеме условите, нивото на играчи кои се појавуваат во Бундеслига 1 и Бундес лига 2. Резултатот постигнат на теренот беше заслуга на фудбалерите , за што честитам. Овој натпревар му припаѓа на минатото, мора да се подготвиме за другите противници. Им благодарам и на колегите кои даваат голем придонес“, изјави Товерлани за КОХЕ во вторник. 

Поранешниот селектор на многу косовски тимови вели дека Германија веќе припаѓа на минатото.

Тој очекува играчите да го дадат својот максимум во преостанатите натпревари. 

„Во секој следен натпревар мораме да влеземе со сите можности што ги имаме. Не размислувам за последниот натпревар, мислам само на следниот натпревар. Фокусот ќе биде на следниот натпревар“, додаде Товерлани. 

На 10 септември Косово У21 игра против Израел. Последните два натпревари се во октомври. На 11 октомври игра против Полска, а четири дена подоцна против Естонија.