Тренерот на Интер, Симоне Инзаги ќе се соочи со својот поранешен соиграч Диего Симеоне кога италијанската екипа ќе ги одмери силите со Атлетико Мадрид во Лигата на шампионите. Но Инзаги не знае што да очекува од непредвидливиот шпански тим.
Интер во вторник од 21:00 часот му гостува на Атлетико Мадрид во првиот осминафинален натпревар од Лигата на шампионите. Реваншот се игра на 13 март во Мадрид.
Инзаги и тренерот на Атлетико Мадрид, Симеоне беа играчи во тимот на Лацио кој ги освои титулите во Серија А и Копа Италија во 2000 година. Симеоне е еден од најценетите тренери во светскиот фудбал, додека Инзаги станува се поуспешен.
Очигледно ќе ми биде задоволство повторно да го видиме Диего како противник“, изјави Инзаги на прес-конференцијата во понеделникот.
„Тој беше одличен соиграч. Победивме во Рим со Лацио. Потоа отиде во Атлетико, но ние никогаш не изгубивме контакт. Беше јасно дека ќе биде одличен тренер. Само погледнете што постигна за 13 години во Атлетико Мадрид“, додаде Инзаги.
исто така
Интер во врвна форма, Симеоне има план да го запре
Атлетико е на четвртото место во Ла Лига. По два натпревари без победа, тимот на Симеоне победи со 5-0 во Лас Палмас во саботата.
Но, италијанскиот тренер е загрижен бидејќи не знае што да очекува од шпанскиот тим.
„Да се предвиди што ќе се случи во вторник навечер не е лесно, со оглед на тоа дека Атлетико многу се промени во последниот натпревар. Го видов натпреварот против Лас Палмас и играчите на Атлетико беа многу агресивни“, изјави Инзаги.
Според италијанскиот техничар, Атлетико одиграл поинаку на последниот куп-натпревар. Инзаги вели дека играчите на Атлетико дриблаат повеќе отколку во минатото, се многу технички и имаат многу квалитет.
Симеоне, кој играше за Интер пред да дојде во Лацио, е тренер на Атлетико од 2011 година. Инзаги ужива во успехот со Интер, но знае дека е тешко да се остане во италијански клуб толку долго. Тој вели дека за неколку дена се менува мислењето на луѓето за тренерите.
Интер е лидер во Серија Ам со 63 бодови, девет повеќе од Јувентус на второто место.
исто така
Симеоне е убеден дека Гризман ќе блесне против Реал
Во Лигата на шампионите, Атлетико ја освои групата каде што беа уште Лацио, Феенорд и Селтик. Имаше забележано четири победи и две нерешени. Во меѓувреме, Интер се квалификуваше како втор во групата освоена од Реал Сосиедад. Во групата со Интер беа и Бенфика и Ред Бул Салцбург. Италијанскиот тим имаше три победи и три ремија во групната фаза.
„Утре вечер ќе биде одличен натпревар. Целосно сме фокусирани и ни треба многу добар настап“, изјави напаѓачот на Интер, Маркус Турам.
Аргентинецот Симеоне играше за Интер од 1997 до 1999 година. Тој ги има најубавите спомени од времето во Интер.
„Интер е меѓу четирите или петте најдобри екипи во Европа. Првото место во лигата го докажува тоа. Начинот на кој се натпреваруваше и со Манчестер Сити. Ми се допаѓа како игра Интер. Тоа ќе биде натпревар на дуели. Тимот што ќе добие повеќе дуели ќе биде поблиску до победа“, изјави Симеоне на прес-конференцијата.
Симеоне зборуваше и за Инзаги. Рече дека со него многу разговарале за фудбалот. Тој е среќен за неговите успеси.
„Тој е одличен тренер. Тој раководи со група играчи кои одлично му одговараат“, додаде Симеоне.
исто така
Реал Мадрид го цени својот градски ривал
Во вторник од 21:00 часот се игра и натпреварот ПСВ - Борусија Дортмунд.
Германскиот тим ја започнува нокаут фазата по големиот успех во групите. Ја освои најсилната група во која беа уште ПСЖ, Милан и Њукасл Јунајтед. Во меѓувреме, холандскиот тим ПСВ Ајндховен беше втор во групата Б. Оваа група ја освои Арсенал, додека ПСВ го следеа Ленс и Севиља.
