Ривалските тимови од Серија А, Интер и Милан влегоа во конкуренција за услугите на левиот крилен дефанзивец, Бразилецот Алекс Телес. Познато е дека и Милан и Интер веќе стапиле во контакт со Манчестер Јунајтед во врска со ситуацијата на Телес.
Се очекува 28-годишниот фудбалер да си замине во текот на јануарскиот преоден рок бидејќи не е дел од плановите на англискиот тим кој за неговиот картон бара околу 20 милиони евра. Телес има само шест настапи во сите натпреварувања оваа сезона, каде што забележа една асистенција.
Тој во Јунајтед дојде минатата година од Порто и има договор со премиерлигашот до 2024 година, со опција за продолжување на уште една година.
