Астрит Селмани на лето може да го напушти тимот на Хамарби. Тој ја остави отворена можноста да го напушти тимот со кој има договор до крајот на 2024 година, објави во вторникот „Афтонбладет“.
Селмани не е задоволен од минутажата што ја имаше ова издание, особено од последниот меч против АИК, на кој одигра само 14 минути. На осум првенствени натпревари Селмани има само една асистенција.
"Ќе видиме. Секогаш нешто се движи во текот на летниот преоден рок. Ни остануваат уште неколку натпревари дотогаш и потоа ќе видиме што ќе биде“, изјави Селмани.
25-годишниот напаѓач му се приклучи на Хамарби од Варберг во јануари минатата година.
