Дерби натпреварот од 32. коло на италијанската фудбалска елита помеѓу Рим и Милан заврши драматично. Рома и Милан ремизираа 1:1 во саботата навечер, и остануваат подеднакво веројатно да обезбедат пласман во Лигата на шампионите следната сезона.
Двата гола на овој натпревар беа постигнати во дополнителните минути. Англискиот напаѓач, Теми Абрахам по брз контранапад погоди за 1:0 за домаќините, во третата минута од судиското продолжение. Само четири минути подоцна Алексис Салемакерс по соработката со Рафаел Леаон ги израмни бројките на 1:1.
Мараш Кумбула по болка во коленото беше заменет во 15. минута од натпреварот.
Милан и Рома остануваат на четвртата и петтата позиција со по 57 бодови. Имаат три бода повеќе од Интер кој е на шестата позиција. Интер со еден одигран натпревар помалку е домаќин на тимот на Лацио во недела напладне.