По Кристијан Пулишиќ и Јунус Муса, во тимот на Милан се очекува да се приклучи уште еден Американец. Станува збор за офанзивниот играч за врска Џовани Рејна, објави во средата „Газета дело спорт“. Познато е дека Милан има личен договор со Рејна и преговара со Борусија Дортмунд за негово ослободување.
Италијанскиот тим го бара трансферот на Рејна во јануарскиот преоден рок и веќе подготви над 20 милиони евра за картонот на Американецот.
Се очекува Рејна да го напушти Дортмунд, бидејќи оваа сезона нема настап за германскиот тим.
20-годишниот фудбалер има договор со Дортмунд до 2025 година, додека дел од првиот тим е од јануари 2020. Со репрезентативецот на САД има 20 настапи и 4 постигнати голови.
Слични статии