Тренерот на Пари Сен Жермен, Маурисио Покетино, призна дека трансферот на Лионел Меси создал позитивен дух во тимот, но порача дека навивачите треба да го чекаат дебито на аргентинската ѕвезда.
Покетино изјави дека прво мора да се погрижи Меси добро да се подготви и да се врати во физичка форма, пред да го одигра првиот официјален натпревар со Париз. „Мојот предизвик сега е да се погрижам со сите овие врвни играчи да формирам тим кој ќе се соочи со сите предизвици пред мене.
Сакам да се погрижам овој тим да се претвори во заедничка сила“, изјави Покетино.
„Што се однесува до дебито на Меси, се уште е рано. Ќе ги преземеме работите чекор по чекор и кога ќе се увериме дека е целосно подготвен, тогаш ќе дебитирам“.
Меси пред неколку дена беше претставен во ПСЖ, тим со кој потпиша двегодишен договор со можност за продолжување на уште една година.