Се очекува Вердер Бремен на лето да го напушти Милот Рашица и да добие најмногу пари од неговата продажба, пишува големиот германски весник „Билд“.
Германскиот клуб сака да го продаде крилниот напаѓач, 24-годишниот Рашица по најприфатлива цена.
Договорот на Рашица завршува во јуни 2022 година.
Според германскиот весник, Вердер ќе ги слушне сите понуди за Рашица. Во последните месеци се пишуваше дека Астон Вила има најголем интерес за косовскиот репрезентативец, кој во тековното издание на Бундеслигата постигна 5 асистенции на 15 натпревари.
