Најплатен фудбалер во тимот на Пари Сен Жермен е напаѓачот на Бразил, Нејмар. Тој има поголема плата од Лионел Меси и Килијан Мбапе, објави во вторник францускиот дневен весник „Л’Екип“.
ПСЖ го собори светскиот трансфер рекорд во летото 2017 година кога за 222 милиони евра го префрли Нејмар од Барселона. Во ПСЖ, Нејмар има месечна плата од нешто повеќе од четири милиони евра, а зад себе ги остави Меси кој добива 3.3 милиони и Мбапе кој е платен 2.2 милиони евра.
30-годишниот Нејмар има договор со парижаните до летото 2025 година, со можност за продолжување на уште една година. Оваа сезона Бразилецот на 21 натпревар во сите натпреварувања постигна пет гола и исто толку асистенции.
