Тренерот на Рома, Жозе Мурињо не се откажува од трансферот на Гранит Џака од Арсенал. Италијанскиот сајт „Калчомеркато“ во петокот објави дека на барање на Мурињо, раководните лица на Рим одлучиле да ја зголемат понудата за Џака.
Познато е дека Рома ќе понуди 20 милиони евра за да ги обезбеди услугите на Џака на крајот од оваа сезона, бидејќи тренерот Мурињо во него гледа соодветно засилување за својот среден ред.
Всушност, Џака беше блиску до преселба во Рома пред почетокот на оваа сезона, но Арсенал ја одби понудата од 15 милиони евра за 29-годишниот играч за врска. Џака има договор со Арсенал до 2024 година, а оваа сезона на 17 натпревари во сите натпреварувања има една асистенција.
