Напаѓачот Оливие Жиру и понатаму оваа сезона ќе биде дел од тимот на Милан. „Tuttomercatoweb“ објави дека Французинот и следната сезона ќе игра за Милан, откако постигнал договор за обновување на договорот.
Со обновувањето на договорот Жиру ќе остане на „Сан Сиро“ до летото 2024. Договорот меѓу страните е веќе постигнат и ќе стане официјален на почетокот на следниот месец.
Исто така, платата на Жиру ќе биде 3.2 милиони евра по добрата форма што ја покажа во Милан. Тој минатата година дојде во Милан како слободен играч и оваа сезона постигна девет гола во сите натпреварувања. 36-годишниот исто така постигна четири гола на шест одиграни натпревари на Светското првенство во Катар 2022 година.
