Тимот на Милан до крајот на јануарскиот преоден рок ќе се обиде да ги осигура услугите на бразилското крило Даглас Коста, објави во петокот „Тутоспорт“.
Се дознава дека Милан веќе стапил во контакт со Јувентус во врска со Коста, за кого е подготвен да плати околу 20 милиони евра обештетување. Пред почетокот на ова издание, Коста беше позајмен во Баерн Минхен, но баварскиот тим нема да го искористи правото да го купи бидејќи не го убеди тренерот Ханси Флик.
Коста оваа сезона има еден гол и две асистенции за Баерн на 19 настапи во сите натпреварувања, додека со Јувентус има договор до летото следната година. 30-годишниот фудбалер со дресот на Јувентус освои три шампионски титули на Италија.
Слични статии