Тимот на Милан настапи без повредената ѕвезда, Златан Ибрахимовиќ, но успеа да победи на гостувањето кај Сампдорија. Милан во неделата ја победи Сампдорија со резултат 2:1, во 10. коло.
Франк Кеси погоди доцна во првото полувреме од пенал за да замине на паузата со еден гол предност.
Црвено-црниот тим зголеми на 2:0 во 77. минута со голот на Шпанецот Самуел Кастиљехо.
Се што успеа да направи Сампдорија на домашен терен е голот постигнат во 83. минута преку Швеѓанецот Албин Екдал.
Со оваа победа Милан се зацврсти на првото место со 26 бодови, додека Сампдорија го зазема 12-тото место со 11 бодови. За Милан тоа беше 22. меч без пораз во првенството.
Слични статии