Во Русија беше избран за најдобар млад фудбалер на Мундијалот, додека за шампионот Франција постигна четири гола, дури и многу убав во финалето.
Килијан Мбапе беше главниот херој на „петлите“ на Мундијалот, со што беше само вториот најмлад фудбалер кој постигнал гол во финалето по Пеле во 1958 година, пренесува КТВ.
Но, 19-годишникот откри дека во финалето против Хрватска играл повреден, трпејќи болки во грбот.
За магазинот „Франс фудбал“, Мбапе изјави дека знаеле за повредата во таборот на Франција, но тоа било премолчено за да не знае противникот.
