Српскиот играч за врска Немања Матиќ одлучил да го напушти тимот на Манчестер Јунајтед за време на јануарскиот преоден рок, објавија во средата англиските медиуми.
Се дознава дека Матиќ веќе побарал од клубот да му го раскине договорот кој истекува на крајот од ова издание, бидејќи не е дел од плановите на тренерот Оле-Гунар Солскјаер, пренесува Коха Диторе.
31-годишниот играч за врска оваа сезона одигра само 89 минути во Премиер лигата, а интерес за неговите услуги покажаа екипи како Борусија Дортмунд, Јувентус, Интер и Милан.
Матиќ е дел од Манчестер од 2017 година, а кариера направи и во Челзи, Бенфика, Витесе и Кошице.
