Дефанзивецот Џанлука Манчини потпиша нов договор со Рома.
Веста ја потврди римскиот клуб кој објави дека Манчини потпишал до 2027 година.
„Овој нов договор го гледам како почетна точка за мене, континуиран раст и подобрување. Заедно како група, тоа е единствената цел што ја имам на ум сега“, изјави Манчини за официјалната веб-страница на Рома по потпишувањето на договорот.
Манчини дојде во Рома на позајмица во 2019. Една година подоцна Римјаните и платија 13 милиони евра на Аталанта за неговиот картон.
Со Рома ја освои Конференциската лига. Досега во три сезони има постигнато седум гола на 128 настапи.
Италијанецот порасна во академијата на Фиорентина. Потоа се пресели во Перуџа во Серија Б. Од Перуџа се пресели во Аталанта во 2017 година.
За Италија има и девет настапи.