Лос Анџелес Клиперс ја постигна шестата последователна победа.
Тие во последниот натпревар го совладаа тимот на Мајами Хит со резултат 112:109.
Пол Џорџ постигна 27 поени, а Реџи Џексон додаде уште 22 поени за Калифорнија.
Мајами водеше со 17 разлика во првиот период од натпреварот и ја задржа предноста од 58:56 по првото полувреме. Но, го загуби водството на стартот од последната четвртина, 86:78.
Водството на Клиперс беше само еден поен 108:107 на 15.7 секунди до крајот, но Данкан Робинсон од Мајами промаши тројка и на крајот ЛА Клиперс се радуваше на победата.
Индијана Пејсерс победи со 111:100 против Јута Џез, во натпревар каде четворица играчи беа исфрлени од игра во четвртата четвртина.
Центарот на Пејсерс, Мајлс Тарнер, се скара со Руди Гоберт од Јута додека ги разделија играчите од двата тима кои исто така беа вклучени во инцидентот.
Играта ја напуштија и Донован Мичел од Јута и Џо Инглс.
Торонто Репторс беа поразени со 57:52 во првото полувреме од Филаделфија 76ерс, но на крајот победија со 115:109.
Фред ВанВлит постигна 32 поени за Репторс, вклучувајќи ја и тројката направена на 24.8 секунди до крајот на дуелот.