Дефанзивецот Тило Керер ќе се врати во францускиот фудбал по заминувањето од Вест Хем Јунајтед. 27-годишниот фудбалер ќе се пресели во Монако, тим кој веќе постигна договор со Вест Хем Јунајтед за негов трансфер.
Керер ќе биде позајмен во Монако, тим кој на крајот од сезоната ќе има опција да го купи за 15 милиони евра. Керер беше дел од Вест Хем од 2022 година кога дојде од Пари Сен Жермен, а имаше кариера и во тимот на Шалке.
Оваа сезона забележа 12 настапи во сите натпреварувања за Вест Хем и побара да си замине од англискиот тим. Керер, кој има и 5 настапи за Германија, има договор со Вест Хем до 2026 година.
