Работите на изградбата на стадионите на Светското првенство во 2022 година во Катар се при крај. Покрај примарната цел за организирање натпревари, градежниците овојпат се фокусираа и на незаузданиот луксуз. Видеото објавено на социјалните мрежи покажува слики од хотелот кој е изграден на стадионот „Ал Бајт“ во северниот град Ал Хор.
Видеото прикажува голем апартман со балкон со поглед на теренот. Стадионот, кој се очекува да биде завршен во наредните недели, е направен по модел на шатори кои се користат во пустините на Катар. Околу него ќе има парк и вештачко езеро, а максималниот капацитет ќе биде 60 илјади гледачи.
За време на Светското првенство во Катар ќе се користат вкупно осум стадиони, од кои седум нови, додека осмиот „Калифа“ беше отворен во мај 2018 година по реновирањето. Светското првенство во 2022 година ќе се одржи во зима, а првиот натпревар ќе се игра на 21 ноември, а финалето на 18 декември, на Националниот ден на Катар/A2CNN.
https://a2news.com/2019/09/18/dhoma-me-pamje-nga-ndeshja/
