Фудбалерот од средниот ред Пајтим Касами најверојатно ќе го напушти Сион за време на јануарскиот преоден рок, објавија во вторникот швајцарските медиуми.
Касами има договор со Сион до крајот на ова издание, но неодамна го одби продолжувањето.
Се дознава дека клупските челници сакаат да го продадат Касами, за да не замине без обештетување на лето.
„Следниот месец ќе видам што ќе се случи. Верувам дека во јануари конечно ќе се знае дали ќе продолжам да бидам дел од Сион, иако не недостигаат понуди“, изјави Касами.
Оваа сезона, тој постигна 12 гола и двапати асистираше во 20 настапи за Сион, тим во кој се приклучи летото 2017 година.
Касами има направено кариера и во Олимпијакос, Нотингем Форест, Фулам, Луцерн, Палермо и Белинцона.
