Екипата на Интер изрази интерес за десниот дефанзивец, Шпанецот Алваро Одриозола.
„Тутоспорт“ во понеделникот објави дека се очекува Интер наскоро да стапи во контакт со Реал Мадрид во врска со трансферот на Ордиозола. За да го ослободи 26-годишниот, Реал бара околу 15 милиони евра.
Одриозола не е дел од плановите на тимот за новата сезона и Реал ги поздравува сите понуди за него. Минатата сезона Одриозола беше позајмен во Фиорентина за која на 25 настапи во Серија А постигна еден гол и една асистенција.
Тој има договор со Реал до 2024 година.
