Екипата на Интер е насочена кон трансфер на напаѓачот Пауло Дибала на крајот од сезоната, пренесува во понеделник „Газета дело Спорт“. Дибала оваа сезона блеска во Рома и има ослободителна клаузула вредна 20 милиони евра, која Интер е подготвен да ја плати.
Дибала пред почетокот на оваа сезона дојде во Рома како слободен играч, а досега има постигнато 13 гола и 8 асистенции во сите натпреварувања.
29-годишниот, кого го бараат и Барселона, Атлетико Мадрид и Манчестер Јунајтед, има договор со тимот на Рома до летото 2025 година.
Пред да дојде во Рома, Дибала играше и за Јувентус и Палермо во Италија.
