Ерлинг Халанд од Дортмунд е меѓу најбараните фудбалери во Европа.
За трансфер на норвешкиот напаѓач се заинтересирани големи европски клубови како Барселона, Реал Мадрид и Манчестер Јунајтед.
Но, според „Дејли Стар“, Халанд сонува да се пресели во Барселона на лето.
21-годишниот фудбалер ја претпочита Барса пред другите клубови и бара да се пресели на Камп Ноу доколку Дортмунд одлучи да го продаде.
Халанд дојде во германскиот клуб во летото 2020 година од Салцбург за 20 милиони евра.
23 гола и шест асистенции на 20 натпревари е билансот на Халанд оваа сезона со Дортмунд.
