Светскиот боксерски шампион во тешка категорија, Тајсон Фјури, изјави дека ќе го објави својот следен противник следната недела, но потврди дека тоа нема да биде Олександр Усик, јавува Би-би-си.
34-годишниот Фјури, кој ја носи светската титула на ВБЦ, реши да се повлече од боксот откако во април оваа година го победи Дилијан Вајтет.
Украинецот Усик минатиот месец ги одбрани титулите во другите големи верзии ВБО, ИБФ и ВБА.
Најавен е натпревар меѓу Фјури и Усик за обединување на сите големи титули во тешка категорија. Но, Фјури изјави дека прво ќе има друг противник.
„Одеднаш Олександр Усик рече дека не сака повеќе да боксира - дека сака да боксира следната година, а не оваа година. Нема да чекам никого и ќе ја објавам следната борба следната недела“, изјави Фјури на прес-конференцијата во саботата вечерта.
