Напаѓачот Луис Суарез најверојатно кариерата ќе ја продолжи во Турција. Веб-страницата „Фанатик“ во вторникот објави дека тимот на Фенербахче е насочен кон трансфер на Уругваецот.
Се дознава дека челниците на турскиот тим веќе стапиле во контакт со Суарез, кој следниот месец ќе биде слободен играч по истекот на договорот со Атлетико Мадрид. Фенербахче ќе му понуди двегодишен договор и во него гледа важно засилување за напаѓачкиот оддел.
35-годишниот фудбалер оваа сезона постигна 13 гола за Атлетико во сите натпреварувања, додека Астон Вила веќе некое време покажува интерес за неговиот трансфер.
