Еквадор го објави конечниот список за Мундијалот, Кастиљо останува надвор

Еквадор беше последниот претставник кој го објави конечниот список за Светското првенство „Катар 2022“ кое започнува в недела. Селекторот Густаво Алфаро во вторникот јавно ги објави имињата на 26 фудбалери, но го изостави играчот кој го доведе во прашање присуството на тимот на овој турнир. Тој не го вклучи дефанзивецот Бајрон Кастиљо, и покрај сите правни проблеми во кои се наоѓа Еквадорската фудбалска федерација откако тимот се пласираше на Светското првенство во март. Чиле и Перу се пожалија дека Кастиљо е Колумбиец и дека играл нелегално за време на квалификациите за Светското првенство. Нивните обвиненија беа отфрлени и на Еквадор му беше дозволено да се појави на Светското првенство, поточно во групата А заедно со Катар, Сенегал и Холандија. Еквадор го игра воведниот натпревар на Светското првенство во недела против Катар. Селекторот Алфаро изненади со поканата за напаѓачот Кевин Родригез кој настапува во втората категорија на Еквадор. За Еквадор ова е четврти настап на Мундијалите.

Голмани: Мојсес Рамирез (Индепендиенте дел Вале), Александар Домингез (Лига де Кито), Хернан Галиндез (Аукас).

Дефанзивци: Пјеро Хинкапи (Баер Леверкузен), Роберт Арболеда (Сао Паоло), Первис Еступинан (Брајтон), Анџело Пресијадо (Генк), Џексон Порозо (Троа), Ксавиер Ареага (Сиетл Саундерс), Диего Паласиос (Лос Анџелес), Феликс Торес (Сантос Лагуна), Вилијам Пачо (Кралскиот Антверпен).

Играчи од средниот ред: Карлос Груезо (Аугсбург), Хозе Сифуентес, Џејсон Мендез (Лос Анџелес), Мојсес Каиседо (Брајтон), Џереми Сармиенто (Брајтон), Алан Франко (Талерес), Анхел Мена (Леон), Аиртон Пресијадо (Сантос), Гонзало Плата (Ваљадолид), Ромарио Ибара (Пачука).

Напаѓачи: Џоркаеф Реаско (Њуелс Олд Бојс), Енер Валенсија (Фенербахче), Кевин Родригез (Имбабура), Мајкл Естрада (Круз Азул).