Косовскиот фудбалер на Базел, Едон Жегрова уште еднаш даде ветување дека еден ден ќе игра за шпанскиот гигант Барселона.
Непосредно пред швајцарското дерби со Јанг Бојс, 22-годишниот фудбалер го вжешти дербито нарекувајќи го својот тим најдобар во земјата.
Поранешниот селектор на Косово, Бернар Шаланд во текст на „Блик“ ја пофали Жегрова, велејќи дека фудбалер како него може да направи разлика на теренот. „Затоа што прават непредвидливи работи. Има добар шут, добро нафрла, знае да дрибла. Луѓето доаѓаат на стадионите за такви фудбалери“, рече тој. Што се однесува до карактерот, Жегрова е „добро момче, чувствително и често емотивно и импулсивно“, вели Шалан.
Во меѓувреме и самиот Жегрова изјави дека сака да ги држи нозете на земја и да оди „чекор по чекор“. Сепак, тој го повтори ветувањето дека еден ден ќе игра за Барселона. Отсекогаш сум велел дека тоа е мојата цел и нема да застанам додека не стигнам таму“, рече Жегрова.
Пред големото швајцарско дерби, Жегрова изјави дека „Базел е најдобриот тим во земјата“.
исто така
Дали Едон Жегрова созреа како играч?
Доколку Базел победи против Јанг Бојс, ќе се доближи до врвот на табелата со само три бода заостанување зад лидерот Цирих, но ќе бега од ривалите од Берн со шест бода.
Жегрова сезонава е во добра форма. Од 15 настапи во сите натпреварувања со Базел, тој постигна четири гола и шест пати асистираше.
