Добрите игри на Федерико Димарко резултираа левиот бек да биде награден со нов договор во Интер.
„Gazzetta dello Sport“ во понеделник објавува дека на Димарко веќе му е понуден нов договор и се очекува договорот меѓу страните да биде постигнат во текот на оваа недела.
Со новиот договор Димарко ќе биде дел од Интер до 2028. Актуелниот договор на 25-годишниот фудбалер истекува во 2026 година, но Интер сака да го задржи подолго во тимот по добрите настапи оваа сезона. На 6 одиграни натпревари Ди Марко постигна 1 гол и 3 асистенции.
Има 12 настапи и 2 постигнати гола за Италија за која дебитираше минатата година.
