Конте се подготвува за Ливерпул во извонредни услови

Тренерот на Тотенхем, Антонио Конте беше принуден да користи специјална опрема за да ги замени играчите кои го пропуштија тренингот пред неделниот дуел со Ливерпул.

Екипата од Северен Лондон имаше девет играчи кои беа позитивни на вирусот во последните недели. Заразени се и неколку членови на персоналот и тимот до 23 години.

„Дејли мејл“ во саботата објави дека Тотенхем има само 10-12 играчи подготвени за тренинг. Тоа го натера тренерот на тимот да прави импровизации за да го зголеми бројот на „играчите“.

Конте потврди дека Тотенхем е подготвен да игра против Ливерпул во недела. Овој натпревар се игра во 17:30 часот.

Последните три натпревари на Тотенхем се одложени поради позитивни тестови. Последниот дуел кој го одигра оваа екипа беше победата од 3:0 против Норвич Сити на 5 декември.