Играчот од средниот ред Матео Ковачиќ може да се смета за фудбалер на Манчестер Сити, објави во средата „Скај Спортс“. Познато е дека Сити веќе постигнал личен договор со Челзи за трансферот на Хрватот, кој ќе биде официјализиран во текот на оваа недела.
Сити ќе плати 35 милиони евра за Ковачиќ, кој ќе потпише четиригодишен договор откако ќе ги помине медицинските тестови.
29-годишниот фудбалер е дел од Челзи од 2018 година, а има настапувано и за Реал Мадрид и Интер. Ковачиќ во минатото издание имаше 2 гола и исто толку асистенции во сите натпреварувања за Челзи, тим со кој имаше договор до следната година.
