Екипата на Челзи се смета за фаворит за обезбедување на услугите на централниот бек на Реал Мадрид, објави во понеделникот „Мундо Депортиво“ Рафаел Варан. Познато е дека Варан сака да премине во Челзи и веќе тимот од Лондон ги надмина Манчестер Јунајтед и Пари Сен Жермен за трансферот на 28-годишниот фудбалер.
Се очекува Варан да го напушти Реал Мадрид ова лето, откако одби да го продолжи договорот, кој истекува следната година, додека Челзи е подготвен да плати над 50 милиони евра обештетување за неговиот трансфер. Варан му се допаѓа на тренерот на Челзи, Томас Тухел, кој го гледа како важно засилување за одбраната.
Варан оваа сезона има 38 настапи и два постигнати гола во сите натпреварувања за Реал Мадрид, тим во кој дојде во 2011 година од Ленс.