Барселона одамна започнала разговори со Ансу Фати за продолжување на договорот.
Според „Марка“, клупските челници се на добар пат да потпишат нов договор со шпанскиот талент.
Договорот на шпанскиот репрезентативец истекува наредната сезона, иако се разбира дека Барселона има опција да го продолжи.
Фати несомнено е еден од талентите со светла перспектива и шпанскиот клуб очекува многу од 18-годишникот.
Барселона ќе му понуди петгодишен договор со значително поголема плата од онаа што моментално ја заработува.
