Играчот од средниот ред Луис Алберто летово ќе го напушти Лацио. Своето заминување го потврди и тренерот Маурицио Сари, кој изјави дека Шпанецот решил кариерата да ја продолжи на друго место.
Покрај интересот за Шпанија, 30-годишниот фудбалер е следен и од тимот на Јувентус по добрите игри кои ги прикажува оваа сезона.
Алберто постигна 6 гола и 7 пати асистираше на 42 натпревари за Лацио, тим со кој има договор до летото 2025 година.
Тој е дел од Лацио од 2016 година, кога им се приклучи од Ливерпул, а кариера направи и во Депортиво Ла Коруња, Малага и Севиља.
