Напаѓачот Кемал Адеми кариерата ќе ја продолжи во Премиер лигата на Русија.
Во вторникот Адеми беше претставен во тимот на Химки, на кој му се приклучи од Фенербахче. Адеми потпиша договор со Химки до 2024 година.
Во втората половина од минатата сезона, Адеми беше позајмен на Карагумрук бидејќи не го убеди Фенербахче, тим во кој дојде минатата година од Базел.
Тој минатата сезона забележа 13 настапи во сите натпреварувања, постигна еден гол и даде една асистенција.
Во првенството на Русија веќе се одиграни три кола и Химки го зазема седмото место на табелата со четири собрани бодови.
