-
Превод: Вита Абраши-Кајтази
- 9 февруари 2026 10:15 часот
- Споделете на:
Американскиот претседател Доналд Трамп остро го критикуваше настапот на латино пејачот Бед Бани на Супербоул, нарекувајќи го „апсолутно ужасен, еден од најлошите досега“.
Во објава на социјалните мрежи во неделата, Трамп ја нарече емисијата „шлаканица за нашата земја“, додавајќи дека нема „ништо инспиративно во оваа збрка наречена „Шоу на полувремето“, објави А.Вести од БК.
Поддржете го ВРЕМЕЗачувај ја вистината.
Професионалното новинарство е во јавен интерес. Вашата поддршка му помага да остане независно и кредибилно. Придонесете и вие. 1 евро прави разлика.
Писмо до читателот — Зошто бараме ваша поддршка Придонесете„Нема смисла, е навреда за величието на Америка и не ги претставува нашите стандарди за успех, креативност или извонредност. Никој не разбира ниту збор што го кажува овој човек, а танцот е одвратен, особено за малите деца што гледаат низ целите САД и низ целиот свет“, напиша Трамп.
Порториканскиот уметник Бед Бани се соочи со критики од конзервативните кругови откако беше најавен како изведувач на Супербоул минатата година.
Добитникот на наградата Греми ја донесе порториканската култура на сцената на стадионот „Левис“ во Санта Клара, Калифорнија, изведувајќи избор од своите хитови претежно на шпански јазик.
Шоуто кулминираше со симболичен момент, каде што тој ги претстави земјите што ги сочинуваат американските континенти, почнувајќи од Чиле на јужната хемисфера до Канада на север, завршувајќи со Порторико, неговото родно место.
Уште од првите минути, за време на еден од музичките премини, Бед Бани зборуваше за своето патување до оваа сцена. Преведено од шпански, тој рече: „Тука сум затоа што никогаш, никогаш не престанав да верувам во себе, а и вие, исто така, мора да верувате во себе.“
Тој пееше додека шеташе низ сет дизајниран да личи на полиња со шеќерна трска што го претставуваат карипскиот регион, вклучувајќи ги Порторико и Куба. Во еден момент, дури и застана покрај тезга на која се продаваше традиционален рендан мраз.
Бед Бани ги изведе некои од своите најпопуларни хитови, вклучувајќи ги „BAILE INOLVIDABLE“ и „NUEVAYoL“, пред сцена што имитираше пазар наречен „La Marqueta“.
Во друг симболичен момент, тој му додели Греми награда на едно мало момче на сцената, како почит за неговиот неодамнешен успех.
Настапот заврши со огномет за време на изведбата на хитот „DtMF“.
На сцената му се придружи уметницата Лејди Гага, која изведе верзија на нејзината песна „Die With a Smile“ со нијанси на салса. Потоа на сцената се појави латино ѕвездата Рики Мартин.