-
Превод: Вита Абраши-Кајтази
- 18 август 2026 14:05 ч
- Споделете на:
Në Las Vegas ka nisur gjyqi shumë i pritur për vrasjen e reperit legjendar, Tupac Shakur, e cila ndodhi në vitin 1996, ka shkruar БиБиСи.
I pandehuri kryesor është Duane “Keffe D” Davis, i cili është deklaruar i pafajshëm për akuzën e vrasjes dhe i mohon akuzat ndaj tij.
Në ditën e parë të gjyqit, prokuroria i tha jurisë se do të mbështetet kryesisht në deklaratat e vetë Davisit të bëra ndër vite.
Mes tyre janë përfshirë rrëfime nga libri i tij, intervista të ndryshme dhe regjistrime të bisedave me policinë.
Prokuroria synon të tregojë se deklaratat e Davisit e lidhin atë me ngjarjet që çuan në vrasjen e Tupacut.
исто така
Диди започнува нова „битка“ со судството, се жали на пресудата
Avokatët e Davisit kanë një tjetër version.
Ata u kërkuan anëtarëve të jurisë të mos i besojnë deklaratat e tij të mëparshme, duke argumentuar se ai ka gënjyer, ka ekzagjeruar dhe ka ndryshuar historinë e tij ndër vite.
Sipas mbrojtjes, deklaratat e tij nuk duhet të konsiderohen si prova të besueshme për përgjegjësinë në vrasje.
Gjatë dëshmive të para, juria ka dëgjuar një ish-polic që kishte takuar Tupac Shakur dhe Suge Knight pak para të shtënave, një dëshmitar okular që dëgjoi të shtënat si dhe pjesë të një interviste të Davisit me policinë në vitin 1997.
Këto dëshmi pritet të jenë vetëm fillimi i një gjyqi që mund të zbulojë detaje të reja rreth asaj që ndodhi natën kur Tupac u qëllua.
исто така
П. Диди почнува да работи во затворска перална
Tupac Shakur u qëllua në Las Vegas në shtator të vitit 1996 dhe vdiq disa ditë më vonë, në moshën vetëm 25-vjeçare.
Për dekada, vrasja e tij mbeti një nga misteret më të mëdha të historisë së hip-hopit. Tashmë, me nisjen e gjyqit ndaj Duane “Keffe D” Davis, drejtësia amerikane po përpiqet të përcaktojë përgjegjësinë penale për një nga vrasjet më të famshme të muzikës.
