-
Превод: Вита Абраши-Кајтази
- 6 јуни 2025 година, 16:00 часот
- Споделете на:
Мишел Обама откри дека нејзината најстара ќерка, Малија, одлучила да не го користи презимето „Обама“ во нејзините уметнички проекти со цел да создаде идентитет независен од славата на семејството, објавија американските медиуми. ЖенаПрва.
Наместо „Малија Обама“, таа е претставена едноставно како „Малија Ан“, користејќи само го нејзиното име и средно име, за нејзината работа на краткиот филм „Срцето“, кој премиерно беше прикажан на реномираниот фестивал „Санденс 2023“.
„Тука сè започнува. Нашите ќерки имаат 26 и 23 години. Тие се млади жени. Но, тие дефинитивно поминаа низ период во адолесценцијата кога почувствуваа потреба да се исклучат“, рече поранешната прва дама на САД, зборувајќи во подкастот „„Веселба на браќа и сестри“ со Кејт и Оливер Хадсон.
Обама додаде дека како добро познати родители, вообичаено е децата да се стремат да се изградат подалеку од влијанието на своите родители.
„Тие сè уште го прават ова. И вие го знаете ова како деца на јавни личности. Тие се обидуваат да создадат разлика, да се чувствуваат како сами да заработиле сè“, рече таа.
исто така
Мишел Обама не разговара со својот сопруг пред романтични состаноци
60-годишната актерка призна дека таа и Барак биле изненадени кога виделе дека презимето „Обама“ го нема на крајот кога биле прикажани имињата на оние што работеле на филмот.
„Рековме: „Ќе откријат дека си ти, Малија“. Но, го почитувавме фактот дека таа се обидува да си го пронајде својот пат“, продолжи Обама.
За поранешната прва дама, овој избор е дел од поголем напор за автентичност и независност.
„Нашите девојки не сакаат луѓето да мислат дека сè им е дадено. Тие се многу чувствителни на перцепциите за непотизам. Тие сакаат да бидат свои“, рече таа.
исто така
Захара Џоли официјално се откажа од презимето Пит
Дури и Барак Обама коментираше за оваа одлука во интервју за „„Пивот подкастот“, откривајќи дека ја прашал Малија дали знае дека луѓето сè уште ќе откријат која е таа.
„Ја прашав: „Знам дека ќе разберат кој си, нели?“ А таа рече: „Сакам да го видат тоа за прв пат и да не го поврзуваат веднаш со презимето“, рече поранешниот американски претседател.
