Во странските медиуми кружи веста дека 35-годишната пејачка, Лана Дел Реј, по неколку месеци врска се свршила со своето ново момче Клејтон Џонсон.
Веста ја потврди извор близок до познатата музичка ѕвезда, за магазинот „Us Weekly“, кој наведува дека за радосната вест биле информирани во вторникот, неколку дена по Лана за време на нејзиното појавување на „The Tonight Show Starring Џими „Фелон“, се истакна со дијамантски прстен на прстот.
Ѕвездата на хитот „Summertime Sadness“ ја потврди романтичната врска со новиот љубовник во август годинава, преку објава на Инстаграм. Оттогаш, парот постојано објавува меѓусебни слики.
Оваа романса доаѓа неколку месеци откако Лана ја прекина врската со полицаецот Шон „Стикс“ Ларкин. Тој ја потврди веста дека парот се разделил во март, велејќи: „Во моментов сме само добри пријатели. Сè уште разговараме еден со друг, но едноставно сме премногу зафатени со нашите лични проекти“.
Досега Лана Дел Реј беше многу воздржана за својот личен живот. Таа ретко е видена во јавноста со своето поранешно момче, а покрај големата слава на пејачката, тие успеаја да ја држат својата врска подалеку од очите на јавноста.
