Ким Кардашијан и Луис Хамилтон, сè повеќе заедно во јавност

Средбите меѓу ТВ ѕвездата Ким Кардашијан и легендата на Формула 1, Луис Хамилтон, не се ништо ново.

45-годишникот неодамна беше виден во Париз во друштво на светскиот шампион во Формула 1, додека близок извор потврди дека станува збор за „сосема нормална“ врска меѓу нив.

„Таа се чувствуваше подготвена повторно да се стави во центарот на љубовта“, изјави изворот за Us Weekly.

Шпекулациите за романса меѓу Кардашијан и Хамилтон ги освоија насловните страници во текот на викендот кога двајцата беа видени во луксузен хотел во Англија на 31 јануари. Потоа, на 2 февруари, беше објавено дека биле видени во друг хотел, овој пат во Париз.

Ким го заврши бракот со Канје Вест во 2022 година, а луѓе блиски до неа велат дека семејството само сака да ја види среќна по сè низ што поминала.

„Сите околу неа сакаат таа да биде среќна, по сè низ што поминала“, додаде изворот.

Откако се раздели од Вест, Ким се поврзуваше со имиња како Пит Дејвидсон и Одел Бекам Џуниор, додека Луис Хамилтон претходно беше во врска со пејачката Никол Шерцингер.

Во јануари, Ким отворено зборуваше за својот однос со поранешниот сопруг, нагласувајќи дека семејството секогаш е на прво место.

„На крајот на краиштата, ние секогаш ќе бидеме семејство“, рече таа во подкастот „Клое во земјата на чудата“.

Таа откри и што бара кај идниот партнер.

„Добар морал и вредности, смирена, доверлива личност која презема одговорност за своите постапки. Тоа е најважното нешто за мене“, рече таа.

Ким претходно изјави дека не ѝ е гајле што другите мислат за неа, нагласувајќи дека нејзиниот успех е поврзан со нејзините бизнис и маркетиншки вештини.

„Мислам дека мојот талент е маркетиншката и деловната страна, да знам што сака клиентот и да го направам производот да изгледа достапен, но истовремено и малку недостижен“, изјави таа за списанието „Интервју“.