Федерален судија во Лос Анџелес одлучи дека Кети Пери и нејзиниот тим мора да платат отштета од 2.8 милиони долари за плагијат на песната „Dark Horse“ од 2013 година.
Одлуката доаѓа три дена откако комисијата утврди дека Пери, нејзината издавачка куќа и другите соработници се одговорни за прекршување на авторските права, пишува KOHA Ditore. Поконкретно, делови од „Dark Horse“ личат на „Joyful Noise“, христијанска рап песна од 2008 година на уметникот Флејм, чие вистинско име е Маркус Греј.
Според пресудата, Пери мора да и плати 550.000 долари, додека нејзината издавачка куќа Capitol Records е наложена да плати речиси 1.3 милиони долари. Казнети се и петмина соработници на славната пејачка кои учествувале во составувањето на песната, меѓу кои и продуцентот Макс Мартин кој е казнет со 253.000 долари и др. Лук кој мора да плати 61.000 долари, додека неговата компанија Kasz Money Inc. мора да му плати 189.000 долари.
Судијата, исто така, пресуди дека 22.5 отсто од профитот на песната „Dark Horse“ која го држи првото место на Billboard Hot 100 треба да оди на песната „Joyful Noise“.
„Нашиот клиент ја поднесе оваа тужба пред пет години барајќи правда и правична компензација за незаконското одземање на неговата вредна креација. Тоа беше долго и тешко патување, но тој конечно ја освои правдата“, рече Мајкл А. Кан, адвокат на уметникот Греј. .
Да потсетиме, синглот „Dark Horse“ беше објавен во 2013 година, на четвртиот студиски албум на Кети Пери. Оваа песна е продадена во над 13 милиони копии и важи за еден од најголемите хитови на американската пејачка.
