Вокалистката на бендот „Параморе“, Хејли Вилијамс изведе помеланхолична верзија на новиот хит на Дуа Липа, „Don't Start Now“.
Познатиот музичар настапуваше во радио емисијата на Би-Би-Си, „1 Live Lounge“ и избра да ја изведе познатата песна на Липа како „кавер“, пренесува Коха.нет.
Пред да ја изведе песната, Вилијамс на водителот на ова шоу му рече: „Малку ја сменивме песната, за да можеме да ја изведеме во наш стил. Се надеваме дека оваа верзија ќе и се допадне на Дуа“.
И да, Дуа Липа ги поздрави промените кои Вилијамс ги направи на нејзиниот хит „Don't Start Now“, а за да го поддржи, Липа објави дел од овој настап на својот Инстаграм.
„Не почнувај сега“ е дел од претстојниот албум на косовско-британската пејачка „Иднина носталгија“, а досега брои повеќе од 124 милиони посети на Јутјуб.
Хејли Вилијамс освен што е член на бендот „Параморе“, развива и кариера како соло пејачка. Неодамна со сите обожаватели сподели две песни од нејзиниот деби албум „Simmer“ и „Leave It Alone“, додека новиот албум на пејачката насловен „Petals For Armor“ ќе биде објавен на 8 март годинава.
