Бред Пит проговори за тешкиот период по разводот од Анџелина Џоли

Познатиот актер Бред Пит отворено проговори за многу тежок емотивен период, откривајќи дека по разделбата од неговата поранешна сопруга, актерката Анџелина Џоли, имал моменти кога размислувал за самоубиство.

Во интервју за списанието „Ескваер“, 62-годишниот актер изјави дека доживеал период кога не гледал излез од болката.

„Само еднаш во животот помислив на самоубиство. Во тој момент, едноставно не гледав излез. Болката беше толку голема што помислата да се стави крај на сè ми се чинеше како ослободување“, призна Пит.

Актерот рекол дека токму во тој момент сфатил дека мислите за самоубиство можат да бидат поврзани со желбата да се ослободи од болка, додека инстинктот за преживување му помогнал да го преброди тој период.

„Ова не е лесно. А разговарате со човек кој добил на лотарија“, рече тој, осврнувајќи се на својот живот и привилегиите што ги имал.

исто така SHOWBIZ 5 август 2026 година Судирот ескалира, Пит бара од судот приходите на Џоли од филмовите

Кога новинарот го прашал дали станува збор за проблеми поврзани со децата, Пит кратко одговорил: „Семејни прашања“, одбивајќи да даде повеќе детали.

Пит и Џоли имаат шест деца: Медокс, Пакс, Захара, Шајло и близнаците Вивиен и Нокс. 

Џоли поднесе барање за развод во 2016 година и побара старателство над децата по инцидент што наводно се случил во приватен авион. ФБИ го истражуваше случајот, но не поднесе обвинение против Пит.
Нивниот развод беше финализиран во декември 2024 година, по долга правна битка.

Во меѓувреме, неодамнешните извештаи сугерираат дека Пит продолжува да има тешки односи со некои од своите деца, а некои од нив преземаат чекори да го напуштат презимето „Пит“.
 

исто така SHOWBIZ 23 јули 2026 година Зошто децата на Бред Пит го отфрлаат неговото презиме? Семејниот раскол стигна до точка од која нема враќање