50-годишната хип-хоп легенда Џеј Зи одлучи да го откаже фестивалот што требаше да се одржи од 5 до 6 септември во Филаделфија, САД, поради кризата со Ковид-19 во оваа држава.
Хит пејачот на „99 проблеми“, наместо тоа, ги охрабрува сите да се фокусираат на борбата за расна еднаквост по протестите на Black Lives Matter, пишува списанието Female First.
Овој екстравагантен фестивал на кој во претходните години настапуваа уметници како Ники Минаж, Кендик Ламар, Ријана и Бијонсе, ќе се врати следната година.
Во соопштението, издавачката куќа на Џеј Зи, Roc Nation, рече: „2020 е како ниедна друга година. Се наоѓаме во важен период од нашата историја. Заедно, се бориме со неколку пандемии, СОВИД-19, системски расизам и полициска бруталност. Сега е време да ги заштитиме нашите уметници, обожаватели, семејства и заедница и да се фокусираме на поддршка на организациите и поединците кои се борат за еднаквост и правда во нашата земја. Затоа, фестивалот Made in America ќе биде откажан до следната година“, пренесува КОХА.
Оние кои веќе набавиле билети ќе можат да ги користат за фестивалот следната година.
