Познатата британска ѕвезда, Адел, ќе им се врати на настапите во живо во декември оваа година. Се верува дека 33-годишната пејачка планира да го одбележи лансирањето на четвртиот студиски албум со концерт во Лас Вегас.
Настапот, кој ќе биде прв на сцената за кантавторот во последните четири години, ќе се одржи на 10 декември и ќе се емитува низ светот.
Извор за весникот „Сандеј мирор“ изјавил: „Новиот албум на Адел е најочекуваната снимка годинава. Помина долго време, но студиото за снимање зад албумот сака да го објави непосредно пред Божиќ, а се чини дека решиле да го направат тоа со настап во живо на пејачката во Лас Вегас. Адел и нејзиниот менаџмент преговараат со BBC America за емитување низ целиот свет. Концертот во Вегас ќе биде меѓу ретките настапи кои ќе бидат дел од промотивната турнеја на албумот. Секако, продолжувањето на ситуацијата со СОВИД-19 и грижата за безбедноста може да влијае и на начинот на кој ќе биде лансирана оваа снимка, која фановите со нетрпение ја очекуваат, но во моментов 10 декември останува планираниот датум за ова“.
Дури и британскиот кантавтор, Ед Ширан, ја потврди веста дека се очекува Адел да се врати на музичката сцена, пред крајот на годината. Запрашан во едно интервју дали мисли дека неговиот последен хит „Лоши навики“ може да биде прогласен за „Песна на годината“, Ширан рече: „Не знам. Мислам дека Адел ќе се врати пред Божиќ. Ги слушнав овие гласини“.
Неодамна во странските медиуми беше објавено дека познатата британска кантавторка Адел може да организира некои концерти во Лас Вегас кои се планирани да се одржат следната година. Се верува дека ѕвездата на „Hello“ ќе се приклучи на листата на музички легенди кои настапувале за обожавателите во Лас Вегас, како што се Сер Елтон Џон, Мараја Кери и Лејди Гага. Таа ќе одржи неколку настапи на познатата туристичка локација „Лас Вегас Стрип“.
Се верува дека оваа идеја и се допаѓа на пејачката бидејќи би ѝ помогнала на нејзината семејна ситуација. Така, Адел, која има 9-годишен син со поранешниот сопруг Сајмон Конецки, ќе може да продолжи да живее во Лос Анџелес и да патува со приватен авион до Лас Вегас, патување кое трае само 40 минути.
Последниот концерт кој го организираше познатата британска пејачка беше во јуни 2017 година, кога излезе на сцената за да настапи пред 97.500 фанови на стадионот Вембли, а доколку потпише договор за соработка за настап во Лас Вегас, ќе има можност да настапи за 5 илјади луѓе секоја вечер.
Се чини дека британската ѕвезда одлучила во следниот албум да ги истражува искуствата од последните неколку години во нејзиниот личен живот.
33-годишната пејачка нема издадено албум од 2015 година, кога го објави синглот насловен „25“, и покрај тоа што последните 12 месеци ги помина фокусирајќи се на себе, по разводот со сопругот Сајмон. Конечки, пејачката се чини дека е среќна што се врати во јавноста.
„Адел беше многу зафатена со фокусирање на своето физичко и ментално здравје, како и со месеци во студиото за снимање правејќи го нејзиниот нов албум“, изјави извор близок до британската пејачка.
Музичката ѕвезда родена во Лондон едвај чека нејзините верни фанови да ги слушнат новите песни. Се верува дека албумот ќе биде објавен наскоро, а некои од неговите песни се чини дека се инспирирани од нејзината разделба од нејзиниот сопруг, со кој го има осумгодишниот син Анџело.
Адел се издвојува како една од најпрофитабилните артисти и е позната по нејзините музички балади кои станаа хитови ширум светот.
