И покрај скептицизмот, принцезата од Велс отиде на „Вимблдон“

Принцезата од Велс, Кејт Мидлтон во неделата се појави на трибините на престижниот турнир Вимблдон, во едно од нејзините ретки јавни настапи.

 Таа ги подели и трофеите во машкото финале, напиша магазинот Elle.

Кејт често го покажува својот уникатен стил на облекување на овие настани, одлучувајќи за бели фустани со црни точки, фустани во светли бои и принтови од нејзините омилени брендови. 
Овој пат таа носеше бренд што обично го носи нејзината снаа, сопругата на принцот Хари, Меган Маркл.
Да го гледам натпреварот Новак Ѓоковиќ - Карлос Алкараз, што беше реприза на минатогодишното финале, избра виолетова тоалета од британскиот бренд, „Safiyaa“.

Принцезата го носеше фустанот наречен „Сесилија“ и беше пречекана со громогласен аплауз на централниот терен додека се движеше до седиштето со нејзината ќерка Шарлот и сестрата Пипа Мидлтон.

Организаторите на тенискиот шампионат „Вилблдон“ многу се надеваа дека принцезата оваа година ќе им ги подели трофеите на победниците, бидејќи моментално се соочува со еден вид рак и не се појавува многу во јавноста.

Принцезата е исто така покровител на тенискиот и крикет клубот Ол Англија, на чија територија се одржува Вимблдон и е единственото тениско првенство што се уште се одржува на природна трева.

„Се надеваме дека принцезата може да ги подели трофеите, како покровител на клубот, но нејзиното здравје е приоритет. Не знам кој ќе биде алтернативна личност за делење на трофеите. Кога ќе слушнеме каква одлука ќе донесе принцезата тогаш ќе одлучиме што е правилното нешто“, изјави претседателката на клубот Деби Џеванс.

Алкарази во неделата против Ѓоковиќ победи со 3:0 во сетови со 6:2, 6:2 и 7:6. Последниот сет беше решен во „тајбрејк“, при што Алкараз победи со 7:4.